شبكة بيت الذاكرة الفلسطينية



 
الرئيسيةالرئيسية  س .و .جس .و .ج  بحـثبحـث  قائمة الاعضاءقائمة الاعضاء  التسجيلالتسجيل  دخولدخول  
عدد زوار المنتدى
.: عدد زوار المنتدى :.

لن ننساكم
المواضيع الأخيرة
» العدل والظلم : الدعاء ، دعوة المظلوم ، الدعاء للمظلومين ، الدعاء على الظالمين
الأربعاء 09 أبريل 2014, 6:54 am من طرف اللحيدان

» الرجاء التفاعل مع الموضوع من أي قرية أنت
الأحد 06 أبريل 2014, 8:55 pm من طرف اللحيدان

» بشرى سارة بمناسبة قدوم يوم الأسير
الأحد 06 أبريل 2014, 8:52 pm من طرف اللحيدان

» أغنية حرب علمية تالتة الإبداع الأول لفرقة كف باند من مخيم النيرب أداء:كرم مغامس و أحمد أبوعلي (المشرف أبو صبحي)
الأحد 06 أبريل 2014, 8:49 pm من طرف اللحيدان

» بلدة بيت عطاب بفلسطين أهلها سكانها عشائرها أصولهم
الخميس 03 أبريل 2014, 11:42 pm من طرف الشريف أبو محمد الحسيني

» mc marwan واقع اليم ( واقع الشعب العربي)
الخميس 03 أبريل 2014, 12:41 pm من طرف Devilzod

» mc marwan اغنية تتحدث عن الحقد داخل الانسان
الإثنين 31 مارس 2014, 12:09 pm من طرف Devilzod

» كتائب شهداء الاقصى
الثلاثاء 18 مارس 2014, 5:53 pm من طرف فلسطيني

» قصيدة يرفق بالجريح - الشاعر طارق فايز العجاوى
الجمعة 07 مارس 2014, 7:27 am من طرف طارق فايز العجاوى

» قصة واقعية ودعاء مستجاب
الأحد 09 فبراير 2014, 2:16 am من طرف أبو خالد

» اجمل الكلمات
الأحد 09 فبراير 2014, 1:54 am من طرف أبو خالد

» 'طلب بإلحاح
الخميس 06 فبراير 2014, 10:28 am من طرف ابن المخيم

» سعدو و سارة من ذاكرة فقراء مخيم النيرب ( ماتوا فقراء و هم ينتظرون العودة )
الخميس 06 فبراير 2014, 10:13 am من طرف ابن المخيم

» الإعجاز العمي في القرآن (مجمع البحرين)
الأحد 08 ديسمبر 2013, 9:16 pm من طرف أبو خالد

» شهداء فلسطين . شهداء عنبتا
الإثنين 11 نوفمبر 2013, 12:42 pm من طرف فلسطيني

المتواجدون الآن ؟
ككل هناك 16 عُضو متصل حالياً :: 0 عضو مُسجل, 0 عُضو مُختفي و 16 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 689 بتاريخ الجمعة 21 يونيو 2013, 10:15 am
شاطر | 
 

 معلومات عن عكا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عاشقة عكا
عضونشيط
عضونشيط


انثى عدد المساهمات: 53
الرصيد: 59
أعجبني: 0
تاريخ التسجيل: 13/08/2010
العمر: 23
رقم العضوية: 19

مُساهمةموضوع: معلومات عن عكا   الثلاثاء 21 سبتمبر 2010, 8:34 am

[center][size=16][b]معلومات عن مدينة عكا (قاهرة نابليون) في فلسطين المحتلة :



الموقع والتسمية :

تقع مدينة عكا على ساحل البحر الأبيض المتوسط في نهاية الرأس الشمالي لخليج عكا، وقد كان لهذا الموقع أهمية جعل مدينة عكا تتعرض لأحداث عظيمة حيث ظهر الكثير من القادة التاريخيين على مسرحها مثل: تحتمس، سرجون، بختنصر، قمبيز، الاسكندر، انطيوخوس ، وبومبي ثم معاوية و صلاح الدين الأيوبي، ربكاردوس ،ابن طولون- نابليون- إبراهيم باشا واليهود وغيرهم.



الاسم وتطوره :

حملت مدينة عكا عدة أسماء عبر عصورها التاريخية ، ففي العصر الكنعاني أطلق عليها مؤسسوها اسم عكو وهي كلمة تعني الرمل الحار وسماها المصريون عكا أو عك، وفي رسائل تل العمارنة وردت باسم عكا ، ونقلها العبريون بالاسم نفسه، ذكرها يوسيفوس فلافيوس باسم عكي، ووردت في النصوص اللاتينية باسم عكي، وفي النصوص اليونانية باسم عكي .

أخذت المدينة اسم ACKON عكون إبان حكم الفرنجة لها، كما سميت d’acre -Saint - Jean وقبل ذلك في العهدين الكلاسيكي والبيزنطي حملت اسم بتوليمايس، وظلت تحمله من القرن الثالث حتى القرن السابع الميلادي. وعندما جاء العرب سموها عكا معيدين لها اسمها الكنعاني القديم بتحريف بسيط ، وبعد أن أتى اليهود إلى فلسطين اعادوا اسمها الكنعاني من دون تحريف وسماهو مرة أخرى "عكو" وهو متداول إلى يومنا هذا .


----------------------------------------

عكا عبر التاريخ :

مر على مدينة عكا الغزاة من العصور القديمة حتى العهد العثماني .

سنة 16 هـ، فتحها شرحبيل بن حسنة .

سنة 20 هـ، أنشأ فيها معاوية بن أبي سفيان داراً لصناعة السفن الحربية " ترسانة بحرية"

سنة 28 هـ ، انطلقت السفن الحربية العربية من عكا إلى جزيرة قبرص .

حكمها الشيخ ظاهر العمر الزيداني فترة من الزمن هو وأبناؤه خلال القرن الثامن عشر، وهو من بنى أسوار عكا .

حكمها أحمد باشا الجزار فترة من الزمن في نهاية القرن الثامن عشر .

سنة 1799م أوقفت عكا زحف نابليون بونابرت وجيشه الفرنسي الذي وصل إليها بعد أن احتل مصر وساحل فلسطين ، فقد حاصرها مدة طويلة، وفشل في اقتحام أسوارها ودخولها، حيث رمى قبعته من فوق سور عكا داخلها، لأنه لم يستطع دخولها، وماتت أحلامه في الاستيلاء على الشرق وعاد بجيوشه .

4-2-1918م احتلها البريطانيون .

احتلتها العصابات الصهيونية المسلحة بتاريخ 18-5-1948م بعد قتال عنيف، وبقى عدد كبير من الفلسطينيين في عكا حتى الآن .



معالم المدينة :

1 ـ الأسوار: ما زالت بقايا أسوار ظاهر العمر وأحمد باشا الجزار ظاهرة للعيان إلى يومنا هذا، وهذه الأسوار تحيط بالمدينة القديمة إحاطة السوار بالمعصم ويبلغ محيطها 2580 م .

2 ـ القلعة: تقع في شمال المدينة القديمة وتتألف من ثلاثة أقسام: برج الخزانة، الجبخانة (كلمة تركية تعني دار الأسلحة) والثكنة العثمانية .

3 ـ السراي القديمة .

4 ـ جامع الرمل .

5 ـ جامع الجزار .

6 ـ جامع الزيتونة .

7 ـ خان العمران .

8 ـ خان الفرنج .

9 ـ خان الشواردة .

10 ـ حمام الباشا .

11 ـ تل الفخار أو ( تل نابليون ) .

12 ـ قناطر مياه الكابري وأفنيتها .

13 ـ مقام النبي صالحعليه السلام .











[center]



























[/center]
[/size]
[/b][/center]
الرجوع الى أعلى الصفحة اذهب الى الأسفل
أحمد قدورة
المدير العام لشبكة بيت الذاكرة الفلسطينية
المدير العام لشبكة بيت الذاكرة الفلسطينية


ذكر عدد المساهمات: 2667
الرصيد: 3921
أعجبني: 49
تاريخ التسجيل: 09/08/2010
العمر: 25
العمل/الترفيه: مساعد مهندس ديكور وتصميم داخلي , طالب في الجامعة اللبنانية
رقم العضوية: 1


المكتب الاعلامي
التابع لمؤسسة
بيت الذاكرة الفلسطينة





مُساهمةموضوع: رد: معلومات عن عكا   الثلاثاء 21 سبتمبر 2010, 9:37 am

شكرا لك عاشقة عكا على هذه المعلومات الرائعة عن عكا

انا من قرية ترشيحا في قضاء عكا وسررت بقراءة موضوعك



المصدر: شبكة بيت الذاكرة الفلسطينية - alzakera.palestineforums.com







أنا فلاح وبفتحر واللي ما عاجبو يموت كهر

لن تصبح مآسينا
صورا يعتاد عليها البعض
ولن أستقيل من حب الوطن

الرجوع الى أعلى الصفحة اذهب الى الأسفل
tarshehagirl
عضومتميز
عضومتميز


انثى عدد المساهمات: 248
الرصيد: 540
أعجبني: 0
تاريخ التسجيل: 21/08/2010
العمر: 25
رقم العضوية: 34

مُساهمةموضوع: رد: معلومات عن عكا   الثلاثاء 21 سبتمبر 2010, 10:32 am

شكرا عاشقة عكا عالموضوع كتير فسور عكا يشهد على قهر نابليون من هذه المدينة العظيمة التي انا جزء منها وافتخر بها
يسلمو عالصور كانوا معبرين تماما عن المدينة ومنتمنى مشاركاتك الدائمة
الرجوع الى أعلى الصفحة اذهب الى الأسفل
رامي السعيد
الأمين العام لمؤسسة بيت الذاكرة الفلسطينية
الأمين العام لمؤسسة بيت الذاكرة الفلسطينية


عدد المساهمات: 687
الرصيد: 851
أعجبني: 1
تاريخ التسجيل: 09/08/2010
رقم العضوية: 2

الأمين العام
لمؤسسة
بيت الذاكرة الفلسطينية



مُساهمةموضوع: رد: معلومات عن عكا   الأربعاء 22 سبتمبر 2010, 8:30 pm

موضوع حلو كتير ومهم شكر عاشقة عكا على الموضوع



المصدر: شبكة بيت الذاكرة الفلسطينية - alzakera.palestineforums.com






أنا يا قدس ما أبــحرت مــــلاحا بلا سفن                  دماء المجد و التــــحرير لا تباع بالــثمن      
فلسطيني لست أخاف من موت بلا كفن                   نردد أغنيات النصر سوف نعود يا وطني  
الرجوع الى أعلى الصفحة اذهب الى الأسفل
أبوزيد
عضومتميز
عضومتميز


ذكر عدد المساهمات: 112
الرصيد: 198
أعجبني: 0
تاريخ التسجيل: 17/02/2011
العمر: 35
رقم العضوية: 446

مُساهمةموضوع: رد: معلومات عن عكا   السبت 19 فبراير 2011, 9:38 am

عكا : سبيل ماء بالقرب جامع الجزار. 2000


عكا : حمام تركي في البلدة القديمة. 2000

عكا : مبنى السرايا الذي بناه احمد باشا الجزار

عكا : زقاق في البلدة القديمة. 2000


عكا : احدى مساجد عكا في البلدة القديمة. 2000
الرجوع الى أعلى الصفحة اذهب الى الأسفل
أبوزيد
عضومتميز
عضومتميز


ذكر عدد المساهمات: 112
الرصيد: 198
أعجبني: 0
تاريخ التسجيل: 17/02/2011
العمر: 35
رقم العضوية: 446

مُساهمةموضوع: رد: معلومات عن عكا   السبت 19 فبراير 2011, 9:46 am

عكا : منظر في منطقة الميناء

عكا : منظر في منطقة الميناء

عكا : جامع الجزار

عكا : جامع الجزار

عكا : آثار الجدار البحري القديم
الرجوع الى أعلى الصفحة اذهب الى الأسفل
أبوزيد
عضومتميز
عضومتميز


ذكر عدد المساهمات: 112
الرصيد: 198
أعجبني: 0
تاريخ التسجيل: 17/02/2011
العمر: 35
رقم العضوية: 446

مُساهمةموضوع: رد: معلومات عن عكا   السبت 19 فبراير 2011, 9:49 am

شهادة عبد العال علي الجمل (1938)
اجري اللقاء في مدينة عكا
11\2008
______________________________

- أنا من مواليد ال 38، يعني بال 48 كان عمري 10 سنين، وكنت صرت واعي
- إذا بترجع لورا بذاكرتك، شو في حكايات عالقة بذاكرتك عن عكا؟
- الذكريات اللي ببالي واللي مأثرة فيي لليوم، هي لما انجبروا أهلي يطلعوا
من عكا، هاي الذكرى كتير مأثرة فيي. أبوي جرّبوا مرتين يهددوه بالقتل عشان
يطلع من عكا، لأنه واحد من أخواتي الكبار كان مطلوب. أبوي رفض يترك البيت،
كانوا يقولوه روح عند ابنك محمد على لبنان، قللهم أنا بديش اترك البيت وأنا
مش طالع من عكا ولو بدّي أموت، أنا بدّي أموت ببلدي ومش ببلد تاني. هاي
كان أبوي يحكيلنا إياها بعد ما رجعت من لبنان لأنه أنا طلعت على لبنان وهو
ضلّ هون.
- مع مين طلعت على لبنان؟
- أنا وأمي وأخواتي البنات طلعنا بالترك على لبنان. اخوي ضلّ هون بالمقاومة
لحد ما عرف انه عكا بدها تسقط وقدر ينسحب هو واثنين من أصحابه من عكا.
أبوي ضل هون ورفض يطلع وإصرار أبوي انه يضل بعكا هو اللي خلانا نرجع. أبوي
عمل لم شمل، وهيك رجعنا أنا وأمي واخوي اللي كان عمره 12 سنة وأختي اللي
عمرها 7 سنوات، بس إخوتي الكبار ضلهم هناك وما قدروا يرجعوا. إحنا رجعنا
تقريبا بشهر 12 عام 1949 بباص مع الصليب الأحمر. جمّعوا بعض العائلات في
حرش ببيروت ومن هناك أخذونا بالباص على عكا ووصلونا لراس الناقورة. ومن راس
الناقوة دخلنا على عكا بباص تاني. ولما فتنا على عكا اجو اليهود وأعطونا
ابر تطعيم لأنهم كانوا خايفين انه إحنا جبنا معنا أمراض من المخيمات
بلبنان.
- قديش عدد إخوتك اللي بقيوا هناك؟
- ثلاث بنات وثلاث شباب
- وين كنتوا بلبنان؟
- كنا بصيدا، لما رجعت كان عمري حوالي 11 أو 12 سنه. أنا بتذكر انه ختّمونا
أنا واخوي انه إحنا مسؤولين عن امنا وأبونا حتى نعيّشهن. وصرنا نشتغل
وإحنا بكل شي، نشتغل بالرمل وبالخضرا ونجرّ عربايات حتى نطلّع نص ليره أو
ليره حتى أمي وأبوي يعيشوا. والحمد الله. إحنا لما رجعنا ما تعلمنا
بالمدرسة، لأنه كنا نشتغل كل الوقت.
- بتتذكر كيف كانت البلد هون بعد ما رجعتوا؟
- البلد كانت فاضي لما رجعنا. اليهود اخذوا البلاد فاضي، هججوا أهاليها
وأخذوها فاضي، يعني الرجال اللي بقيوا فيها حطوهم بالمعتقلات، واللي هرب
هرب، واللي ما هرب مسكوه ودخّلوه على المعتقل. لما اجيت بال 49 كانت البلد
فاضي. إحنا من خوفنا وإحنا صغار كنا قاعدين بعكا القديمة متخبين ببعضنا.
نطلع شوي شوي، كانت الناس تخاف تحكي. اخذوا بيوتنا خالصة وحاضره مع كل اشي.
العالم فلتت بيوتها وعفشها وأجا شعب تاني حامل شنطه وفات وسكن فيها.
- هذا الاشي صعب كتير وخاصة صار قدام عيونكم..
- هذا الاشي اللي مش قادر انساه، اليوم صار عمري 71 سنه، ومش قادر أنسى
المنظر، يمكن بحكيه لأحفادي ولأولادي وبالنسبة الهم هذا خيال. هاي الذكريات
أنا حكيتها كتير، ما بقدر أنساها. كيف كنت أشوف البيوت اللي كانوا ساكنين
فيها أصحابها وعمّروها وبعدها يفوت واحد حامل الشنطه ويسكن فيها، ومش بس
أخد البيت، إنما صار يقول هاي بلادي وارضي. وإحنا العرب صرنا عنده ضيوف إذا
بدّش ايانا كان يطحينا... هاي صعبة عليّ. مرّة التلفزيون الإسرائيلي عمل
معي مقابلة وقلتلهم انه أنا مواطن إسرائيلي ومعطي الواجبات اللي علي، طيب
أنا بدّي مقابل الها، يعني مثلا أشوف أحفادي يتربوا زي أحفادهم وأولادي
يكونوا زي أولادهم. أنا أعطيت الواجب بس ما اخدت شو يستحق.
- شو اللي بدك توخده؟
- في فرق كبير بين العربي وبين اليهودي. يعني مثلا بال 67 كانوا ييجوا
يوخدوا سيارتي لخدمه الجيش، وقبل ال 67 كانت سيارتي تروح كل سنه شهر للجيش
غص من عني . بال 67 اخدوني أنا وسيارتي شهرين. كل سنه كان شغلي يوقف لأنه
إذا ما أعطيتهم السيارة بخربولي إياها.
- سيارة ايش كان عندك؟
- سيارة شحن، ترك كبير. وبال 73، لما في حوادث تصير والجيش الإسرائيلي
يخسر، يدفعونا ضريبة دخل. يعني لما يربحوا الهم ولما بخسروا علينا؟!. بال
73 أخذوني أنا وسيارتي شهرين. كل هذا وانا مش ماخد حقوقي، يعني مثلا ممنوع
أنا كعربي أفوت اشتغل بشركه كهرباء. سكان إسرائيل العرب اليوم %22 قديش في
منهم بالحكومة الإسرائيلية؟؟ قلائل. بالمصانع مثلا، صُدف انه تلاقي عرب
هناك. كيف بدها تكون مساواة.
- بدّي ارجع لأيام الحرب لما كانوا يوخدولك السيارة، كيف أخذوها منك؟
- كانوا يبعتلولي צו (أمر) عندي على البيت انه مجبور أسلمها، ولما بسلمها
بقولولي انه اجي الشهر الجاي استرجعها وإذا خرّبوا فيها اشي كانوا يعطوني
مصاري عشان أصلحها. لما صارت الحرب خفت على سيارتي لأنها كانت جديدة ورحت
مع السيارة أحسن ما يخربوها. هدا كان أيام الحكم العسكري
- احكيلي عن عكا بفترة الحكم العسكري؟
- إحنا بالحكم العسكري ضلّينا لسنه ال 66، كنت إذا بدّي اطلع من عكا لبرا
كان لازم مع تصريح واللي ما معه تصريح كانوا يحاكموه. أنا كنت أروح احمّل
خضرا من بستان هجليل ومرتين اخدوني على مركز البوليس لأنه طلعت بدون تصريح.
بفترة الحكم العسكري إحنا كنّا ساكنين جنب المدرسة جنب جامع الجزار، اجت
البلدية وهدّولنا البيت بحجة انه البيت بدّه يسقط. يعني هم بدهم المنطقة
وبحجة البيت هدّوه.
- ليش بدهم المنطقة ؟ لشو؟
- هناك في آثار قديمه وبدهم يبنوا متحف وما بدهم يكون في سكان وبيوت جنب الآثار، هدّوا حارة كاملة عشان الآثار.
- وأهل الحارة؟
- أعطوهم غرفه هون وغرفه هناك عشان يسكنوا. بسنوات الستين صارت اليهود تبني
برّا السور وصاروا يطلعوا من جوّا السور، وبالدور اللي تفضى مكانهم يحطّوا
فيهم عرب.
- انت شو بتحكي لأولادك ولأحفادك اليوم عن عكا؟
- أنا ربيت أولادي انه الإنسان يتكل على نفسه ومش على غيره، وممنوع
يستعملوا قرش الحرام. كنت اقللهم لولا جدكم اللي بقي هون انتو ما كنتوا هون
بعكا. أنا حاطت لليوم صورة أبوي بالتليفون.
- في كتير ناس بقيوا بعكا مثل أبوك؟
- آه، حوالي ثلاثين واحد، يعني أنا متذكر رجعت على عكا من لبنان لما كان
عمري 10 سنين، رجعت أنا واخوي حتى نزور أبوي ونشوف إذا عايش واللا ميت.
رحنا على يركا، اخوي ضله هناك لأنه في دروز أصحابه هناك قالوله تنزلش انت
لأنك مطلوب وإذا اليهود مسكوك راح يقتلوك. وقالوله ابعت أخوك الصغير بوصل.
وصّلني على طرف يركا وقاللي شايف هديك البلد، قصده عن قرية جديدة، كانت
جديدة يومها كام بيت، ضلّك رايح دغري، اسأل وين دار المصري وبتلاقي بيت
عمتك حنيفة هناك... مثل ما قللي عملت، ومن لهفتي انه بدّي أشوف أبوي ما
حسّيت كيف وصلت من يركا لجديدة. وصلت عند عمتي وقلتلها بدّي أروح عند أبوي،
راحت عمتي عند واحد اسمه أبو مدحت العرابة وكان معه حماره وقاللها انه
تاني يوم بدّه ينزل على عكا وبوخدني معه. الصبح فقت ومشيت وراه، بذكر كنت
لابس بنطلون قصير والدنيا كانت صيف، ومشيت من جديدة لعكا والشوك كان يضرب
بإجريّ مثل ضربات الشفرات، الدم كان ينزل من اجريّ وأنا مش حاسس لأنه متلهف
وبدّي أشوف أبوي. فتت على عكا ولاقيت الختياريه وأبوي قاعدين بالساحة عند
مصطفى، أجا أبوي وعبطني، وأخدني عند دار عمي وغسّلني، وجاب بنطلون طويل
وقصّه على طولي ولبسني اياه، وراح سبقني على القهوة وقاللي الحقني. رحت على
القهوة ولاقيت هناك حوالي ثلاثين ختيار قاعدين، وكلهم تعجبوا كيف اجيت
لحالي. الكل صار يقللي سلم على ابني وسلم على مرتي وفي منهم اللي كتبوا
مكاتيب وأعطوني اياهم. وحفظت أسماء الختياريّة عشان لما ارجع على لبنان
اقلهم مين بعده عايش ومين مات. بعدها رجعت مشي انا وأخوي على لبنان عند أمي
وإخوتي.
- كان والدك يحكيلك عن عكا إذا كان في معركة؟
- طبعا كان في معركة، عكا قاومت، المقاومة ما كانت قوية، لأنه ما كان في
جيش منظّم، كان في شويّه مقاومه. كان في جماعه اسمهم جماعة أبو محمود، كانت
مقاومة شعبية، بس اليهود كانوا جيش منظّم. كلمة كيبوتس بتعني تجمع، كان
اليهود يتجمعوا بالكيبوتس ويتدرّبوا ويصيروا جيش.
- حسب رأيك كان العرب يعرفوا عن هاي التجمّعات؟
- لا ما بظن كانوا يعرفوا، كان في قلّة وعي، وما كانوا يفكروا انه القوه هاي مع اليهود.
- انت عشت النكبة وشفت التهجير وطلعت على لبنان ورجعت، وبعدين صارت دوله
إسرائيل واجوا اليهود وسكّنوهم جنبك. سؤالي هو كيف قدرت تتعامل مع هاي
الأجواء الجديدة، انه صار في دولة إسرائيل وفي حواليك يهود ساكنين؟ كيف
تعاملت مع شعور الغضب اللي عندك؟
- مجبور اخليه بقلبي، لمين بدّي اظهره، لمين، بدّي أعيش شو بدّي اعمل، أنا
مثلا بدّي أحارب، شو بدّي اعمل، يعني ما بقدر اترك أمي وأبوي واختي، أنا
كنت اشتغل حتى اعيّشهم. بس بالمقابل كنت اربي أولادي على الشهامه العربية
وإنهم عرب وانه النا حق وراح مننا، هاي بلدنا.. فات اليهود استحلنا واخد
بيتنا، هاي مش بلدهم هاي بلدنا... مش بلد الشكنازي أو المروكي، هم أجوا
يعيشوا معنا ومش إحنا رحنا نعيش معهم.
- هل بتشوف في ربط بين الغضب هذا والنكبة وبين الأحداث الأخيرة في عكا؟
- الأحداث الأخيرة مش اشي جديد بعكا، يعني طول عمرهم اليهود يهجموا علينا من ال 48 وكمان بعد ال 48.
بال 69 طلعوا شباب فدائيين من عكا من جماعه فوزي نمر، واليهود جرّبوا
يفوتوا على عكا ويضربونا، وكمان بيوم الأرض صار مظاهره كبيرة، وكمان
تظاهرنا لما مات عبد الناصر. البوليس كان يضايقنا كتير.
الربط هون مش مع النكبة، الربط مع المعيشة. يعني امشي اسّا بعكا وراح تلاقي
شباب قاعدين على الأراغيل. مستوى المعيشة هون واطي وفي فرق بين الشباب
العربي والشباب اليهودي. يعني ابن العرب إذا اشتغل أو تعلم هاي بالصدف.
- يعني البلد غضبانة؟
- طبعا غضبانة، الناس حاسي بظلم وحقوقهم مهضومه، ولما اجت هاي القصة كبرت
وتفجرت واللي كبرها أكثر رجال الأحزاب والانتخابات. هاي مش أول مره شباب
عكا العرب بنضربوا برّا السور، والبوليس ما بعمل اشي،
- يعني انت بالنسبة الك عكا العربية هي جوا السور؟
- صحيح، عكا القديمة هي الهوا اللي بتنفسه. عكا الجديدة هي برا ومنطقة الشيكونات.
- كنت عم بتقللي انه الغضب اللي حاسينه الناس عم بخليهم بتفجروا؟
- صحيح، أي حدث صغير عم بخليهم يتفجروا، يعني ممكن كمان شهر يصير اشي. وإذا بصير أي احتكاك ممكن تكبر الأمور اكبر من هيك.
- بتحس انه إسرائيل عم تحاول تمحي هوية البلد؟
- هم كل الوقت عم بجربوا يمحوها ويلغوها
- كيف؟
- مثلا بغييروا أسماء الشوارع، مثلا شارع حارة القلعة أو صلاح الدين غيّروا
أسماءهم، حارة الجرينة واللي كل عمرنا منعرفها بهيك اسم، غيّروا اسمها
وسمّوها شارع فرحي، هذا فرحي كان واحد يهودي ساكن بعكا أيام احمد باشا
الجزار، وحطّوا الساحة على اسمه. بس عكا ولا مره ولا بحياتها حكمها اليهود.
اليهود بس حكموها بال 48.
- كان في بعكا يهود قبل النكبة؟
- كان في حارة كاملة كلها يهود وكنا نسميها حارة اليهود، كان فيها حوالي 15
عائلة. بس بسبب الثورات والأحداث صارت اليهود تطلع من الحارة، يعني بال 48
كان في حوالي ثلاث أو أربع عائلات مش أكثر.
- حكيتلي انه الك أخوه وعائلتك بلبنان؟ مين الك هناك
- اخوتي وأولاد عمي، وعائلاتهم. أخواتي وأولاد عمي تهجّروا كبار. من فتره
أجا واحد من الخليج على عكا، ودوّر على حدا من دار الجمل، قاللي أنا ستي من
دار الجمل، قلتله مين سته، قاللي آمنه، طلعت سته بنت عمي.
- بعد النكبة كنت باتصال مع اهلك بلبنان بصيدا؟
- بعد النكبة أهلي اللي في لبنان هم كانوا ييجوا يزورونا، اجو مرتين
ثلاثة، حتى يطمئنوا علينا، بس كانوا يعتقلوهم ويكبوهم ع الحدود.
- بأي سنوات اجو؟
- بسنوات الخمسين، 52، 53، 54، إخوتي كانوا يجيو، بس كانوا يمسكوهم،
يرَكبوهم بتركات ويوخدوهم على حدود لبنان. بس بعدين صاروا يعملوا اشي تاني،
اللي يجي من جهة لبنان كانوا يرموه بغزه واللي ييجي من غزة كانوا يكبوه
على حدود لبنان. كانوا يغلبوهم حتى ما يرجعوا.
- كيف كانوا يدخلوا أو يتسللوا؟
- كانوا يتسللوا عن طريق الحدود وكان في كتير ناس اللي كانت تيجي. بس بعد
ما بطّلوا ييجو صرنا نبعتلهم مكاتيب. لما يكون النا صاحب طالع على أوروبا،
نعطيه مكاتيب ومن هناك نبعت المكاتيب على لبنان وهم يعملوا نفس الشي.
- وهل انتو باتصال تلفوني اليوم؟
- في اتصال مع طريق التلفون، بس اغلب إخوتي ماتوا، من السته بقي واحد عايش. بس طبعا أولادهم عايشين.
- احكيلي على اهلك، عن أمك ووالدك لما كانوا عايشين بعكا وباقي اخوتك بلبنان، كيف كانت حالتهم؟
- أمي بكل مناسبة تصير تبكي، أنا بتذكر أمي لما كانت تروح تشمّ الهوا
بالتربة، بتذكرها لما كانت توخد اكلاتها وتروح تقضي نص النهار بالتربة
وهناك تتذكر أبوها وتتذكر أولادها، وفي البيت تحط صور إخوتي قدّامها وتصير
تبكي على الصورة. وإحنا الصغار كنا نهدّيها. أخواتي الكبار راحوا وأنا
واخوي وأختي كبرنا وتجوزنا.
- جو البيت عندو بسنوات الخميس كيف كان؟
- أمي ما كانت تطلع من البيت، بيتنا كان حزين، دايما كان بيتنا حزين. كانت ما تصدّق يتوفى أي شخص حتى تطلع على التربة.
- ووالدك؟
- أبوي كان كبير بالعمر، ومات بسنوات الخمسين، بس أهم اشي كان عنده انه ما يطلع من البلد.
- ليش رفض يطلع؟
- أبوي كان كتير متعلق بالبلد وعشش البلد بقلبنا، بلدكو هي حياتكوا. وأنا
عايش هذا الاشي لليوم وهاي وصيتي لأولادي ولأحفادي. اللي ما بدير باله على
وطنه ما بدير باله على عرضه.
الرجوع الى أعلى الصفحة اذهب الى الأسفل
أبوزيد
عضومتميز
عضومتميز


ذكر عدد المساهمات: 112
الرصيد: 198
أعجبني: 0
تاريخ التسجيل: 17/02/2011
العمر: 35
رقم العضوية: 446

مُساهمةموضوع: رد: معلومات عن عكا   السبت 19 فبراير 2011, 9:51 am

البلده تاريخ الأحتلال البعد من مركز المحافظه الرقم على الخارطه تعداد السكان في 1948 تقدير لتعداد الاجئين
في 1998
ملكية العرب للاراضي ملكية اليهود للاراضي المغتصبات الصهيونيه
أُم الفرج 21 أيار، 1948 10 كم شمال شرقي عكا 12 928 5,699 821 0 Ben 'Ammi
إقرت 1 تشرين ثاني، 1948 25 كم شمال شرقي عكا 6 568 3,491 21,711 0 Shomera, Even Menachem, Goren, Gomot ha-Galil, & Yoqrat
ابو سنان 12,871 0
البروه 11 حزيران، 1948 10 كم شرق عكا 23 1,694 10,401 12,939 546 Kibbutz Yas'ur and Achihud.
البصة 14 أيار، 1948 19 كم شمال عكا 1 3,422 21,015 25,258 4,178 A military airport, Kefar Ro'sh ha-Niqra, Leman, Shelomi, Matzuva, Betset, & Khanita.
بعنة 18 كم شرق عكا 14,839 0
بقيعة الغربية N/A 0
بقيعه 31 كم شمال شرقي عكا 10,276 189
بيت جنّ 34 كم شمال شرقي عكا 25,594 0
تربيخا 1 تشرين ثاني، 1948 27 كم شمال شرقي عكا 4 1,160 7,124 12,548 0 Shomera, Even Menachem, Shetula, and Kefar Rosenwald.
ترشيحا 1 كنون أول، 1948 27 كم شمال شرقي عكا خارطة 37,308 90 Meona, which was founded in 1949.
التلّ 21 أيار، 1948 14 كم شمال شرقي عكا 13 348 2,137 1 0 None
جتّ 29 كم شمال شرقي عكا 5,907 0
الجديده 9 كم شرق عكا 5,215 0
جولس 12 كم شمال شرقي عكا 12,835 0
الحسينّيه N/A 0
خربة إدمث N/A 0
خربة الصوّانه N/A 0
خربة جدّين 1 تموز، 1948 16 كم شمال شرقي عكا 16 1,740 10,685 4,238 3,349 Yechi'am, Qiryat, and Ga'ton.
خربة جرديه N/A 0
خربة عربين/ القليطات 30 تشرين أول، 1948 23 كم شمال شرقي عكا 2 418 2,565 11,422 0 Adamit and Goren
الدامون 15 تموز، 1948 11 كم جنوب شرقي عكا 24 1,520 9,332 19,073 687 Yas'ur
دير الاسد 18 كم شرق عكا 8,366 0
دير القاسي 30 تشرين أول، 1948 26 كم شمال شرقي عكا 10 2,668 16,384 26,619 0 Alkosh, Netu'a, Mattat, and Abbirim
دير حنه 23 كم جنوب شرقي عكا 15,350 0
رأس النبع N/A 0
الرامه 29 كم شرق عكا 23,701 0
الرويس 15 تموز، 1948 12 كم شرق عكا 26 383 2,351 1,159 0 None
الزيب 14 أيار، 1948 13 كم شمال عكا 9 2,216 13,606 12,438 0 Kibbutz Gesher ha-Ziv, Sa'ar, and Leman.
سجور 29 كم شمال شرقي عكا 8,172 0
سحماتا 30 تشرين أول، 1948 25 كم شمال شرقي عكا 17 1,311 8,050 9,572 0 Tzuri'el and Chosen
سخنين 15 تموز، 1948 23 كم شرق عكا خارطة 70,181 0 N/A
سروح 1 تشرين ثاني، 1948 28 كم شمال شرقي عكا 3 12,548 0 Shomera, Even Menachem, Shetula, and Kefar Rosenwald
سلمه N/A 0
سواعد N/A 0
السُميريه 14 أيار، 1948 6 كم شمال عكا 20 882 5,414 7,935 0 ha-Geta'ot and Shamrat
شعب 18 تموز، 1948 26 كم جنوب شرقي عكا خارطة 17,870 0 Yavor, founded in 1951 and located just east of the village.
الشيخ داود N/A 0
الشيخ دنون 1 0
طمره 30,549 0
عرب السمني/ الصوانة 30 تشرين أول، 1948 19 كم شمال شرقي عكا 8 232 1,425 1,872 0 Ya'ara
عرب الغوارينى N/A 0
عرب النعيم N/A 0
عرّابة البطوف 30,852 40
عمقا 10 تموز، 1948 11 كم شمال شرقي عكا 18 1,438 8,833 6,060 0 'Amqa
عين الاسد 38 كم شرق عكا 1 0
الغابسية 1 أيار، 1948 11 كم شمال شرقي عكا 15 1,438 8,833 11,771 0 Netiv ha-Shayyara
فسّوطه 1 0
القبسي N/A 0
الكابري 21 أيار، 1948 12 كم شمال شرقي عكا 11 6,218 38,183 37,308 0 Kibbutz Kabri, Ga'ton, Me'ona, 'En Ya'aqov, and Ma'alot.
كابول 15 تموز، 1948 14 كم جنوب شرقي عكا خارطة 10,336 0 No settlements were built
on village lands, however, most of the sarounding village's lands
confiscated by the Israeli government for forestry purposes.
كسرا 25 كم شمال شرقي عكا 10,598 0
كفر سميع 29 كم شمال شرقي عكا 7,150 0
كفر عنان 1 شباط، 1949 33 كم شرق عكا 22 418 2,565 5,424 0 Kefar Chananya
كفر ياسيف 11 كم شمال شرقي عكا 6,729 8
كمانه الشرقيّه N/A 0
كمانه الغربيّه N/A 0
كويكات 10 تموز، 1948 9 كم شمال شرقي عكا 19 1,218 7,480 4,668 0 Beyt ha-'Emeq
مجد الكروم 29 تشرين أول، 1948 16 كم شمال شرقي عكا 17,828 0
المزرعة 8 كم شمال شرقي عكا 3,116 4,001
معليا 25 كم شمال شرقي عكا 19,136 0
مكر 8,661 96
المنشيه 14 أيار، 1948 2 كم شمال شرقي عكا 21 940 5,770 12,522 1,895 Shamrat and Bustan ha-Galil
المنصوره 1 تشرين ثاني، 1948 29 كم شمال شرقي عكا 7 26,619 0 Netu'a, Elqosh, Biranit, Mattat, and Abbirim.
ميعار 15 تموز، 1948 17 كم جنوب شرقي عكا 25 893 5,485 10,785 0 Segev, Ya'ad, and Manof.
مُصعب N/A 0
النبي روبين 1 تشرين ثاني، 1948 28 كم شمال شرقي عكا 5 12,548 0 Shomera, Even Menachem, Kefar Rosenwald, and Shetula.
نحف 15 تموز، 1948 22 كم شرق عكا خارطة 15,654 0 Carmiel
النهر 21 أيار، 1948 14 كم شمال شرقي عكا 14 708 4,345 5,243 0 Ben 'Ammi and Kabri.
نواقير N/A 0
يانوح 12,466 0
يركه 13 كم شمال شرقي عكا 30,597 0
الرجوع الى أعلى الصفحة اذهب الى الأسفل
سناء
الإدارة
الإدارة


انثى عدد المساهمات: 1176
الرصيد: 1611
أعجبني: 39
تاريخ التسجيل: 10/12/2010
العمر: 24
العمل/الترفيه: طالبة جامعية
رقم العضوية: 306

مُساهمةموضوع: رد: معلومات عن عكا   السبت 19 فبراير 2011, 11:20 am

بشكرك كتييييييييييير ع التميز وانتقاء اجمل المواضيع .. يسلمو كتير ع المعلومات وعلى الصورالرااااااااااااااائعة اللامعة.


عكا ولا اجمل .. على مر الزمن وما سكنتها من حضارات تشهد لها بكل معنى من السحر و الاصالة وعبق التاريخ العريق المشرف


عكا مدينة عشق من البر للبحر ... مدينة تحطمت على اسوارها آمال نابليون
احمد الله انه منَ علي بزيارتها ورايت سحرها وبهائها ال لا محدود ..




ساقول قصيدة مهداة على لسان ابنائها اللاجئين




عكا تتحدى موج البحر!!




اشتاق عكا وللدبكات في وطن
طردت عنه انا الجرح الفلسطيني
يا ليتني مت ما غادرت موطننا
ولا تغربت في دنيا المجانين
عكا وحيفا ويافا ارض والدتي
اشتاق للجامع الجزار.. يبكيني
ستين عاما على الماْساة منتظرا
نقشت اسم فلسطيني على الطين
فكيف انسى بلادا كنت سيدها
من عهد كنعان حطيني تناديني
بلى ساتي فان الشوق اججني
ساسرج الخيل من اقصى النبيين
ساركب البحر من الاي يحرسها
يذود عنها ... طوابير الملاعين
آت اليك مع الثوار... منتصرا
او الشهادة .... في وطني ويكفيني




لكم مني كل احترامي وتقديري

الرجوع الى أعلى الصفحة اذهب الى الأسفل
أحمد قدورة
المدير العام لشبكة بيت الذاكرة الفلسطينية
المدير العام لشبكة بيت الذاكرة الفلسطينية


ذكر عدد المساهمات: 2667
الرصيد: 3921
أعجبني: 49
تاريخ التسجيل: 09/08/2010
العمر: 25
العمل/الترفيه: مساعد مهندس ديكور وتصميم داخلي , طالب في الجامعة اللبنانية
رقم العضوية: 1


المكتب الاعلامي
التابع لمؤسسة
بيت الذاكرة الفلسطينة





مُساهمةموضوع: رد: معلومات عن عكا   السبت 19 فبراير 2011, 11:29 am

لك كل احترامي وتقديري على تألقك عاشقة عكا

كما اشكر اختي سنااااااااااء على ردها المتميز والكلمات الرائعة واشكرها على القصيدة

وبدأت اخي ابو زيد بتألق فابقى متألقا



المصدر: شبكة بيت الذاكرة الفلسطينية - alzakera.palestineforums.com







أنا فلاح وبفتحر واللي ما عاجبو يموت كهر

لن تصبح مآسينا
صورا يعتاد عليها البعض
ولن أستقيل من حب الوطن

الرجوع الى أعلى الصفحة اذهب الى الأسفل
كرم اليوسف
عضوجديد
عضوجديد


ذكر عدد المساهمات: 1
الرصيد: 1
أعجبني: 0
تاريخ التسجيل: 01/03/2011
العمر: 30
رقم العضوية: 492

مُساهمةموضوع: رد: معلومات عن عكا   الثلاثاء 01 مارس 2011, 8:08 am

شكرا جزيلا لك. الله يعطيك العافية
الرجوع الى أعلى الصفحة اذهب الى الأسفل
zaher79
عضوجديد
عضوجديد


ذكر عدد المساهمات: 5
الرصيد: 5
أعجبني: 0
تاريخ التسجيل: 28/03/2011
العمر: 34
رقم العضوية: 609

مُساهمةموضوع: رد: معلومات عن عكا   الثلاثاء 29 مارس 2011, 7:14 am

موضوع قيم ورائع الله يرجعلنا اياها
وانشا الله بتحرر فلسطين كلها
انا من قرية شعب في قضاء عكا
الرجوع الى أعلى الصفحة اذهب الى الأسفل
عاشقه تراب فلسطين
مشرفة
مشرفة


انثى عدد المساهمات: 4556
الرصيد: 5714
أعجبني: 23
تاريخ التسجيل: 17/08/2010
العمر: 18
العمل/الترفيه: طالبه
رقم العضوية: 25





مُساهمةموضوع: رد: معلومات عن عكا   الثلاثاء 29 مارس 2011, 8:15 am

اشكرك اختي جزيل الشكر على موضوعك الراائع
وعلى الصور و الاحصائيات
ننتظر جديدك...تقبلي مروري



المصدر: شبكة بيت الذاكرة الفلسطينية - alzakera.palestineforums.com









فلسطينيه و افتخر والله مو عاجبه
يطق راسه بلحيط


الرجوع الى أعلى الصفحة اذهب الى الأسفل
ورود الحياه
عضوVIP
عضوVIP


انثى عدد المساهمات: 5770
الرصيد: 7462
أعجبني: 26
تاريخ التسجيل: 18/08/2010
العمر: 19
العمل/الترفيه: طالبه
رقم العضوية: 27






مُساهمةموضوع: رد: معلومات عن عكا   الثلاثاء 29 مارس 2011, 10:12 am

بتشكرك كتير اختي على الموضوع الرائع المليء بالمعلومات القيمة عن عكا
حلم الرعاة ورقصة الريحان و الارض الندية
وسنابل القمح الخجولة في ملاءتها البهية

ورحيق ازهاري, واحلام الشباب العسجدية
هي كل ما عندي ... فهل ترضى بها عكا هدية
**
يا حلوة البسمات يا عكا ! رو يدك يا طهورة!
البحر قبل راحتيك , و جاء يسألك المشورة
فهو الأمير أتاك يخطب ود قلبك يا اميرة
رفقا به و بقلبه ! لا تجرحي أبدا شعوره!
**
أرأيت سورك هازئا بالبحر لم يأبه لحبه
حتى خرجت اليه أنت لتسمعي خلجات قلبه
أم قد رفضت رجاءه , فخرجت ثائرة لحربه
فبنيت أبياتا على كبد الرمال لقطع دربه؟
**
اني لأخشى ان رفضت مشاعر البحر النبيلة
ان ينثني كبرا ويخطب قلب جارتك الجميلة
وجمال حيفا ان تكن نقضته نسبتك الاصيلة
فثراؤها نسب يشرفها , ويكرمها فضيلة
**
العفو يا عكا فما قولي سوى خطرات شاعر
ما كنت سمسارا لحب البحر مأجور المشاعر
فتقبلي من قريتي العزلاء رائحة الأزاهر
و وداعة الأطفال طاهرة , و أغنية البيادر
الرجوع الى أعلى الصفحة اذهب الى الأسفل
دموع فلسطين
عضوفعال
عضوفعال


انثى عدد المساهمات: 309
الرصيد: 318
أعجبني: 3
تاريخ التسجيل: 16/09/2010
العمر: 18
رقم العضوية: 118

مُساهمةموضوع: رد: معلومات عن عكا   الأربعاء 30 مارس 2011, 10:20 am

مشكوره اختي سناء على الموضوع الجميل صوره رائعة الجميل يسلمووايدكي يعطيكي الف العافيه الى الامام ان شاءالله
الرجوع الى أعلى الصفحة اذهب الى الأسفل
 

معلومات عن عكا

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة بيت الذاكرة الفلسطينية :: .:: منتدى فلسطين الحبيبة ::. :: المدن والقرى الفلسطينية-